Հոյամողէզներու սրահի շրջապտոյտ
Այս տեսերիզը արեւմտահայերէն տարբերակն է Լոս Անճըլըսի Բնական պատմութեան թանգարանին կողմէ պատրաստուած «Հոյամողէզներու սրահ»ի առցանց շրջապտոյտին։ Տեսերիզը կ՚անդրադառնայ հոյամողէզներուն վերաբերեալ զանազան նիւթերու։ Կը խօսի մօտ 160 միլիոն տարի տեւողութեան վրայ երկարող այդ ժամանակաշրջանին կարեւոր պատմական դրուագներուն մասին, հասնելով հոյամողէզներու մեծ մասին ոչնչացումին, մեր ժամանակէն 66 միլիոն տարի առաջ։ Տեսերիզը կը բացատրէ նաեւ, թէ ինչպէս թռչունները […]
Զապէլ Եսայեանի ամբողջական գործերը
«Մատենագրութեան թուանշային գրադարան»-ի գրական հսկայական պաշարին մաս կը կազմեն՝ Զապէլ Եսայեանի ամբողջական գործերը, որոնք թուայնացած են եւ հանրութեան անվճար հրամցուած։ Զապէլ Եսայեանի հաւաքածոն ալ աւելի կը ճոխացնէ՝ այս թուային գրադարանին արդէն իսկ հարուստ Արեւմտահայ եւ սփիւռքի գրականութիւն բաժինը, որ կ՚ընդգրկէ 600-ի շուրջ վերնագիր։ 27 վերնագիրներու տակ հաւաքուած Զապէլ Եսայեանի ամբողջական գործերուն մատչելի ձեւով հանրութեան ներկայացուիլը կարեւոր […]
Համազգային Է գրադարան
Դասական եւ նոր հրատարակուած գիրքերու մեծ շտեմարան մը ըլլալով, Համազգայինի «Է գրադարան» խելախօսի կիրարկութիւնը անվճար գիրքերու մեծ ընտրանի մը կը հրամցնէ։ Կիրարկութեան միջոցաւ կարելի է գնել նաեւ ներկայացուած միւս գիրքերը։ «Է գրադարան»-ը գիրքեր տրամադրելի դարձնող վայր մը չէ միայն։ Գործածողը կրնայ կիրարկութեան մէջ ընթերցել ներբեռնուած գիրքերը, որոնք ներբեռնելէ ետք՝ կը մնան անձնական «գրադարանին» մէջ։ Գրադարանը […]
Բառիկ
Բառիկը համակարգչային առցանց խաղ մըն է, որ ամէն օր խաղացողներուն կը հրամցնէ հինգ տառէ բաղկացած բառ մը գուշակելու առիթ։ Բառերը գուշակելու համար՝ խաղացողը ունի վեց փորձի իրաւունք, եւ ամէն բառ մը դնելուն՝ խաղը ցոյց կու տայ թէ ո՛ր տառերուն տեղերը կը համընկնին բուն բառի տառերուն՝ – Եթէ տառը ճիշդ է բայց տեղը սխալ է բառին […]
Մշակութային առաջին հանրագիտակս
«Մշակութային իմ առաջին հանրագիտակս» տասը հատորներով շարքին իւրաքանչիւրը նիւթի մը հանրագիտարանն է։ Բոլոր էջերը գունաւոր լուսանկարներով եւ բացատրական գծանկարներով ճոխացած են եւ նախատեսուած է դպրոցական տարիքի աշակերտներու համար։ Բացի դպրոցականներէն, իր գիտելիքներով շարքը նաեւ կը գոհացնէ բոլոր տարիքի ընթերցողները։ Մանաւանդ հարուստ աղբիւր է արեւմտահայերէն եզրերու համար, որ կարելի է գործածել զանազան ծրագիրներու։ Շարքին հատորներն են՝ […]
Պէյրութի հայանուն փողոցները
«Պէյրութի հայանուն փողոցները» ուսումնասիրութիւնը կը ներկայացնէ Սփիւռքի ամենէն կարեւոր կեդրոններէն մէկուն՝ Պէյրութի փողոցները, որոնք հայկական անուն կը կրեն կամ կրած են մօտիկ պատմութեան մէջ։ Պարզապէս անուանումները ներկայացնելէն աւելի, ուսումնասիրութիւնը տալով այս անուանումներուն պատմականը, նաեւ կը ներկայացնէ փողոցներուն հասարակական պատմութիւնը, ձեւով մը ներկայացուցած ըլլալով ամբողջ գաղութին պատմութիւնը։ Օժտուած մեծ քանակութեամբ հին եւ նոր նկարներով եւ քարտէսներով, […]
Արեւմտահայերէնի քերականութիւն – Բ.
Յակոբ Չոլաքեանի աշխատութիւնը շարունակութիւնն է հեղինակի Արեւմտահայերէնի քերականութիւն (կանոնակարգ եւ խնդիրներ) Ա. գիրքին ու կը ներկայացնէ արեւմտահայերէնի բայ, մակբայ, կապ, շաղկապ, վերաբերական եւ ձայնարկութիւն խօսքի մասերուն ձեւաբանութիւնն ու շարահիւսական իւրայատկութիւնները, լայնօրէն կը քննէ կանոնակարգման հարցերը՝ անդրադառնալով գոյութիւն ունեցող տարաբնոյթ տարբերակներուն ու բազմաձեւութիւններուն, որոնցմէ ոմանք կու գան արեւմտահայերէնի ակունքներէն, իսկ ուրիշներ թափանցած են խօսակցական լեզուէն: Նախատեսուած […]
Արեւմտահայերէնի քերականութիւն – Ա.
Յակոբ Չոլաքեանի աշխատութիւնը կը ներկայացնէ արեւմտահայերէնի գոյական, ածական, թուական եւ դերանուն խօսքի մասերուն ձեւաբանութիւնն ու շարահիւսական իւրայատկութիւնները: Լայնօրէն կը քննէ կանոնակարգման հարցերը՝ անդրադառնալով գոյութիւն ունեցող տարաբնոյթ տարբերակներուն ու բազմաձեւութիւններուն, որոնցմէ ոմանք կու գան արեւմտահայերէնի ակունքներէն, իսկ ուրիշներ թափանցած են խօսակցական լեզուէն: Նախատեսուած է լեզուաբաններուն եւ հայերէնի տարրական քերականութեան ծանօթ բոլոր հետաքրքրուողներուն համար:
Արեւմտահայերէնի ուղեցոյց
Արեւմտահայերէնի Ուղեցոյցը օրէնքներու եւ կանոններու հսկայական շտեմարան մը կը հրամցնէ բոլոր անոնց որ արեւմտահայերէն գրելով կը զբաղին։ Հեղինակը՝ Արմենակ Եղիայեան, իր մանրակրկիտ ուսումնասիրութեան յառաջաբանին մէջ կ՚ըսէ՝ «Այս աշխատութիւնը յառաջ տարուած է հիմնուելով հին թէ նոր հայերէնի բոլոր արտայայտութիւններուն՝ յատկապէս արեւմտահայ վերջին 150 տարուան գրական երկերու, մամուլի, դասագիրքերու, դպրոցական հանդէսներու, այլեւ շարադրութիւններու, անհատական բնոյթի գրութիւններու, ցուցանակներու, […]
Մրջիւններու վերջալոյսը
Զաւէն Պիպեռեանի վիպագրութեան գլուխ-գործոցն է Մրջիւններու վերջալոյսը, ուր ան հայելի մը կը բռնէ 1940-50-ականներու պոլսահայ իրականութեան դէմ յանդիման, երկրի քաղաքական-տնտեսական կացութեան ընդմէջէն: Վէպին առանցքը կը կազմէ Ու-նե¬ւորութեան տուրքի հետեւանքով հետզհետէ քայքայուող հայ ընտանիք մը՝ ընկճուած հիւանդ հայր մը, նիւթական անկումի պատճառով իրմէ գանգատող դժգոհ կին մը ու աղջիկ մը, որոնց կը միանայ աշխատանքային ճամբարներու մէջ […]