Նարդուհի Էքիզեան-Մարկոսեանի այս գիրքը, իր բառերով «համառօտ կը ծանօթացնէ երաժշտութեան պատմութեան եւ անոր զարգացման ընթացքին, տեղեկութիւններ կու տայ տարբեր ազգերու երաժշտութեան եւ համաշխարհային ճանաչում ունեցող երաժշտահաններու մասին»։
Ըստ հեղինակին «ձեռնարկը կրնայ օգտակար ըլլալ երաժշտական հաստատութիւններու ուսանողներուն եւ հանրակրթական դպրոցներու միջին եւ բարձր դասարաններու աշակերտներուն։ Գիրքը կրնայ օգտակար ըլլալ երաժշտասէր լայն հասարակութեան։»
Զնտուկին վրայ տեղադրուած է ամբողջական գիրքը, յատուկ հեղինակային իրաւունքի արտօնութեամբ։ Գործածութիւնը դիւրացնելու նպատակով հատորին մէջ տեղ գտած 27 բաժինները ներկայացուած են նաեւ առանձին բաժիններով։
