զնտուկ

Պարտէզին մէջ ծառ մը կայ,
ծառին վրայ ճիւղ մը կայ...
Ճիւղին վրայ բոյն մը կայ,
բոյնին մէջն ալ թռչնիկ մը կայ...

Աստղ եւ լուսին օրօր կ՚երգեն,
օրօր կ՚երգեն ու կ՚օրօրեն...
Րուրի րուրի, սիրուն թռչնիկ,
անուշ քունիկ, մշիկ մշիկ...

Պարտէզին մէջ ծառ մը կայ,
ծառին վրայ ճիւղ մը կայ...
Ճիւղին վրայ բոյն մը կայ,
բոյնին մէջն ալ երկու թռչնիկ կայ...

Ամպ ու անձրեւ օրօր կ՚երգեն,
օրօր կ՚երգեն ու կ՚օրօրեն...
Րուրի րուրի, երկու թռչնիկ,
անուշ քունիկ, մշիկ մշիկ...

Պարտէզին մէջ ծառ մը կայ,
ծառին վրայ ճիւղ մը կայ...
Ճիւղին վրայ բոյն մը կայ,
բոյնին մէջն ալ երեք թռչնիկ կայ...

Ծառ ու ծաղիկ օրօր կ՚երգեն,
օրօր կ՚երգեն ու կ՚օրօրեն...
Րուրի րուրի, երեք թռչնիկ,
անուշ քունիկ, մշիկ մշիկ...

Մէկ ոչխար,
երկու ոչխար,
երեք ոչխար…
Երեքէն ետք
չո՛րսը կու գայ…

Մէկ ոչխար,
երկու ոչխար,
երեք ոչխար,
չորս ոչխար…
Չորսէն ետք
գա՛յլը կու գայ…
Ո՛չ, ո՛չ…
Չորսէն ետք
քո՛ւնս կու գայ…

Մէկ ոչխար,
երկու ոչխար,
երեք ոչխար,
չորս ոչխար…
Մշի՜կ մշիկ,
անո՜ւշ քունիկ,
բուրդ բուրդ
վերմակին տակ…

Աղջիկ, աղջիկ,
ոսկի՛ աղջիկ…
Մազերդ սանտրեմ,
ծամերդ հիւսեմ…
Ծամերդ հիւսեմ,
աստղերուն կապեմ…

Աստղերը
քեզ օրօրե՜ն,
յուշիկ յուշիկ քեզ օրօրե՜ն…
Արեւ լուսին աստղ…
Արեւ լուսին աստղ…

Աղջիկ, աղջիկ,
ոսկի՛ աղջիկ…
Մազերդ սանտրեմ,
ծամերդ հիւսեմ…
Ծամերդ հիւսեմ,
աստղերուն կապեմ…

Աստղերը
օրօ՜ր երգեն,
յուշիկ յուշիկ օրօ՜ր երգեն…
Արեւ լուսին աստղ…
Արեւ լուսին աստղ…

Աղջիկ աղջիկ,
ոսկի՛ աղջիկ…
Ցերեկը արեւ,
գիշերը լուսին,
իսկ հիմա
մշի՜կ մշիկ անկողին…

Արեւ լուսին աստղ…
Արեւ լուսին լուսաստղ…

Բարի հրեշտակ
եղիր պահապան,
հսկէ վրաս երբ քնանամ`
երազներու աշխարհը
երթամ ու գամ,
ուրախ զուարթ արթննամ…

Անո՜ւշ քուն,
ոսկի՛ երազ…

Ձմեռ եկաւ, ձիւն եկաւ,
արջուկին քունը եկաւ…
Մշիկ մշիկ քնացաւ,
մինչեւ գարունը հասաւ…

Խըռըմ փըշ, խըռըմ փըշ,
արջուկը քուն,
ես արթուն…

Ձմեռ եկաւ, ձիւն եկաւ,
կրիային քունը եկաւ…
Մշիկ մշիկ քնացաւ,
մինչեւ գարունը հասաւ…

Խըռըմ փըշ, խըռըմ փըշ,
արջուկը քուն,
կրիան քուն,
ես արթուն…

Ձմեռ եկաւ, ձիւն եկաւ,
ոզնիին քունը եկաւ…
Մշիկ մշիկ քնացաւ,
մինչեւ գարունը հասաւ…
 
Խըռըմ փըշ, խըռըմ փըշ,
արջուկը քուն,
կրիան քուն,
ոզնին քուն,
ես արթուն…

Ձմեռ եկաւ, ձիւն եկաւ,
խլուրդին քունը եկաւ…
Մշիկ մշիկ քնացաւ,
մինչեւ գարունը հասաւ…

Խըռըմ փըշ, խըռըմ փըշ,
արջուկը քուն,
կրիան քուն,
ոզնին քուն,
խլուրդը քուն,
ես արթուն…

Ձմեռ եկաւ, ձիւն եկաւ,
մողէզին քունը եկաւ…
Մշիկ մշիկ քնացաւ,
մինչեւ գարունը հասաւ…

Խըռըմ փըշ, խըռըմ փըշ,
արջուկը քուն,
կրիան քուն,
ոզնին քուն,
խլուրդը քուն,
մողէզը քուն,
ես ալ քուն…

ժամացոյցը երկու սլաք,
թիք թաք,
թիք թիք թաք...

Ոսպապուրը շատ տաք,
փուֆ փուֆ,
շատ շատ տաք,
փուֆ փուֆ փուֆ...

Աթոռակը տախտակ,
ախ ախ,
չոր տախտակ,
վախ վախ վախ...

Վրան նստողը հրեշտակ,
թաթիկները մուշտակ,
մատիկները մանուշակ,
իրեն տուէք հրուշակ...

ժամացոյցը երկու սլաք,
թիք թաք,
թիք թիք թաք...

Թանապուրը շատ տաք,
փուֆ փուֆ,
շատ շատ տաք,
փուֆ փուֆ փուֆ...

Աթոռակը տախտակ,
ախ ախ,
չոր տախտակ,
վախ վախ վախ...

Վրան նստողը հրեշտակ,
թաթիկները մուշտակ,
մատիկները մանուշակ,
իրեն տուէք հրուշակ...

Գրպանիս մէջ
ի՞նչ կայ, ի՞նչ…

Մէկ երկու,
երեք չորս,
հինգ վեց,
եօթը ութ,
ինը չամի՛չ…

Ինը չամիչ,
քիչ է, քիչ…

Մէկ երկու,
երեք չորս,
հինգ վեց,
եօթը ութ,
ինը տասը,
տասը չամի՛չ…

Տասը չամիչ,
յետոյ  ի՞նչ…

Մէկ երկու երեք,
չորս հինգ վեց,
եօթը ութ ինը,
տասը չամիչ,
մէկ հատ ալ նարինջ…

Գրպանիս մէջ  
ի՞նչ կայ, ի՞նչ…
Տասը չամիչ,
մէկ հատ ալ նարինջ…

Չամիչ, նարինջ…
Նարինջ, չամիչ…
Չամիչ, նարինջ…
Թուրինջ…

Ծառ, ծառ,
խնկի ծառ,
քառասուն ճիւղով
խնկի ծառ,
ամեն Ճիւղին
ճնճղուկ կար…

Ծառ, ծառ,
խնկի ծառ,
քառասուն ճիւղով
խնկի ծառ,
վրան քանի՞
ճնճղուկ կար…

Ծառ, ծառ,
խնկի ծառ,
քառասուն ճիւղով
խնկի ծառ,
վրան քառասուն
ճնճղուկ կար…

Քառասուն ճիւղ,
քառասուն ճնճղուկ…
Քառասուն ճիւղ,
քառասուն ճնճղուկ…

Երկինքին մէջ
լուսաստղը,
լուսաստղին տակ
ախոռը,
ախոռին մէջ
մսուրը,
մսուրին մէջ
լո՛յս Մանուկը…

Փո՛ւշ մտեր էր
Մանուկին մատիկը,
չէ՞ որ յարդն էր
իր անկողինը…

• Փո՛ւշ մտեր է մանուկին մատիկը,
• փո՛ւշ մտեր է մանուկին մատիկը…

Մէկը միւսին
փսփսացին,
քով քովի թառած,
մսուրը հսկող
ճնճղուկները…

Թը՜ռ թռաւ
ամենէն փոքրիկ ճնճղուկը,
մտաւ մսուրին մէջը,
կտուցով հանեց
Մանուկին մատիկին փուշը…

Մանուկին մատիկէն
կաթիլ մը արիւն
ցայտեց ու նախշեց
փոքրիկ ճնճղուկին լանջը…

Երկինքին մէջ
լուսաստղը,
լուսաստղին տակ
ախոռը,
ախոռին մէջ
մսուրը,
մսուրին մէջ
լո՛յս Մանուկը,
մատիկին վրայ
կարմրալանջը…

Ամեն տարի՝ Ամանորին,
լուսաստղը կը յայտնուի
եղեւինին գագաթին,
իսկ կարմրալանջը՝
ամենէն բարձր ճիւղին…

Թագաւոր, թագաւոր,
երեք  թագաւոր,
արեւելքէն կու գան
ուղտերով,
լեռնէն ձորէն,
անապատէն,
փայլուն աստղին
հետեւելով...

Երկինքին մէջ լուաստղը,
լուսաստղին տակ ախոռը,
ախոռին մէջ մսուրը,
մսուրին մէջ՝
լո՛յս Մանուկը...

Թագաւոր, թագաւոր,
երեք  թագաւոր,
արեւելքէն կու գան
ընծաներով՝
ոսկի, կնդրուկ եւ զմուռս,
Մելքոն, Գասպար եւ Պաղտասար
կ’երթան նորածին Մանուկին քով...

Քիթին տակը
պե՛խ բուսաւ…

Քիթը մեծ է,
իսկ պեխը
բարակ է,
բա՛ս բարակ է,
ծայրը սուր է,
դէպի վե՛ր է…

Քիթը պեխը,
պեխը քիթը,
մեծ քիթով,
բարակ պեխով,
Պարոն  Խաչատուրը…

Քիթին տակը
պե՛խ բուսաւ…

Քիթը մեծ է,
իսկ պեխը
բարակ է,
բա՛ս բարակ է,
ծայրը սուր է,
դէպի վա՛ր է…

Քիթը պեխը,
պեխը քիթը,
մեծ քիթով,
բարակ պեխով,
Պարոն  Ասատուրը…

Պարոն Խաչատուր,
Պարոն Ասատուր,
նստած կ’ուտեն  ոսպապուր...

Ոսպապո՞ւր թէ թանապուր...

Պարոն Խաչատուր,
Պարոն Ասատուր,
նստած կ’ուտեն  թանապուր...    

Թանապո՞ւր թէ կաթնապուր...

Պարոն Խաչատուր,
Պարոն Ասատուր,
նստած կ’ուտեն  կաթնապուր...
 
Կաթնապո՞ւր թէ  անուշապուր...

Պարոն  Խաչատուր,
Պարոն Ասատուր,
նստած կ’ուտեն անուշապո՜ւր...

Գլխուն վրայ գլխարկ մը կայ…
Գլխարկը կարմիր է,
 ըսէ այն ով է,
 լսէ այն ով է,
 դուռը կը թակէ…

Քիթին տակը մօրուք մը կայ…
Մօրուքը երկար է,
գլխարկը կարմիր  է,
ըսէ այն ով է,
լսէ  այն ով է,
դուռը կը թակէ…

Կռնակին վրայ տոպրակ մը կայ…
Տոպրակը լեցուն է,
մօրուքը երկար է,
գլխարկը կարմիր է,
ըսէ այն ով է,
լսէ  այն ով է,
դուռը կը թակէ…

Տոպրակը լեցուն է,
մօրուքը երկար է,
գլխարկը կարմիր է,
Կաղանդ պապուկն է,
Կաղանդ պապուկն է,
դուռը կը թակէ…