Պալատին բանալին
Թագաւորը հարցուց թագուհիին, թագուհին հարցուց իշխանին, իշխանը հարցուց իշխանուհիին՝ ո՞ւր է պալատին բանալին… Իշխանուհին պատասխանեց իշխանին, իշխանը պատասխանեց թագուհիին, թագուհին պատասխանեց թագաւորին՝ չկայ պալատին բանալին… Բանալին կորսնցուցի, ծակը ծուկը փնտռեցի, ոսկի բանալի, արծաթ բանալի, պալատին դուռը ինչպէ՞ս բացուի… Բանալին կորսնցուցի, ծակը ծուկը փնտռեցի, ոսկի բանալի, արծաթ բանալի, պալատին դուռը թող բացուի…
Պալատին խաղը
Թագաւորը հարցուց թագուհիին, թագուհին հարցուց իշխանին, իշխանը հարցուց իշխանուհիին՝ ի՞նչ է անունը այս խաղին… Իշխանուհին պատասխանեց իշխանին, իշխանը պատասխանեց թագուհիին, թագուհին պատասխանեց թագաւորին՝ պէտք է հարցնել սպարապետին… Ձի ձի, ճերմակ ձի… Ձի ձի, սեփ սեւ ձի… Թամբը, սանձը, սպարապետը… Թամբը, սանձը, ասպետները… Ասպե՛տ, սպարապե՛տ… Ճատրակ, ճակատամարտ… Ասպե՛տ, սպարապե՛տ… Ճատրակ, ճակատամարտ…
Պալատին ճաշը
Թագաւորը հարցուց թագուհիին, թագուհին հարցուց իշխանին, իշխանը հարցուց իշխանուհիին՝ ի՞նչ է անունը այս ճաշին… Իշխանուհին պատասխանեց իշխանին, իշխանը պատասխանեց թագուհիին, թագուհին պատասխանեց թագաւորին՝ պէտք է հարցնել խոհարարին… Պալատին խոհարարը խոհանոցէն՝ խաշ է անունը այս ճաշին… Խաշը ճաշ է, ճաշը խաշ է… Խաշը ճաշ է, ճաշը խաշ է… Խաշը ճաշ է, նախաճաշ է…
Պանանը
Հինգ հատ կապիկ հագած շապիկ, տաբատ կօշիկ, ժողովի նստան կլոր սեղան… – Ես չար բաներ չե՛մ տեսներ, չե՛մ տեսներ… ըսաւ առաջին կապիկը… – Ես չար բաներ չե՛մ լսեր, չե՛մ լսեր… ըսաւ երկրորդ կապիկը… – Ես չար բաներ չե՛մ ըսեր, չե՛մ ըսեր… ըսաւ երրորդ կապիկը… – Ես չար բաներ չե՛մ ըներ, չե՛մ ըներ… ըսաւ չորրորդ կապիկը… Հինգերորդ կապիկը քերեց գլուխը […]
Նոր օրը
Վերը վարը, աջը ձախը… Երկինքը, երկիրը, ընտանիքը ընկերները, մեր աշխարհը հրեշտակին թեւին տակը… Թող սկսի մեր նոր օրը…
Շապիկը
Ճերմակ շապիկ, օձիք թեզանիք, մէ՛կ կոճակ… Ինչո՞ւ մէկ… Հապա քանի՞… Թող ըլլայ երկո՛ւ… Ճերմակ շապիկ, օձիք թեզանիք, երկո՛ւ կոճակ… Ինչո՞ւ երկու… Հապա քանի՞… Թող ըլլայ երե՛ք… Եւ այլն… եւ այլն… ե՜ւ… Ճերմակ շապիկ, օձիք թեզանիք, տասը կոճակ… Ճերմակ շապիկ, օձիք թեզանիք, տասը օղակ…
Մուկը
Մուկը ընդհանրապէս մոխրագոյն կ’ըլլայ, սեւ ու ճերմակ՝ մոխրագոյն… Երբ մութ է՝ մո՜ւս մութ, սե՛ւ կ’ըլլայ՝ սե՛փ սեւ… Երբ ալիւրի պարկը մտնէ, ալիւրի պարկէն ճերմա՛կ կ’ելլէ՝ ճե՛փ ճերմակ… Երբ սուրճ խմէ, սրճագոյն կը դառնայ՝ սուրճի՛ գոյն… Երբ սիրահար ունենայ, վարդագո՛յն կը դառնայ՝ վարդի՛ գոյն… Երբ բարկանայ, կարմիր կ’ըլլայ՝ կա՛ս կարմիր… Երբ իւղով միւղով տապկուի, նարնջագոյն կը […]
Մահճակալիս տակ
Մահճակալիս տակ, տա՛կ, կայ մժեղ մոծակ, ծա՛կ, ամեն գիշեր կը նուագէ՝ մէկ, երկու, երեք, չորս, չորս թելով ջութակ, թա՛կ… Մահճակալիս տակ, տա՛կ, կայ մժեղ մոծակ, ծա՛կ, ամէն գիշեր կը նուագէ՝ մէկ, երկու, երեք, երեք թելով ջութակ, թա՛կ… Մահճակալիս տակ, տա՛կ, կայ մժեղ մոծակ, ծա՛կ, ամէն գիշեր կը նուագէ՝ մէկ, երկու, երկու թելով ջութակ, թա՛կ… Մահճակալիս […]
Մատիկին փուշը
Երկինքին մէջ լուսաստղը, լուսաստղին տակ ախոռը, ախոռին մէջ մսուրը, մսուրին մէջ լո՛յս Մանուկը… Փո՛ւշ մտեր էր Մանուկին մատիկը, չէ՞ որ յարդն էր իր անկողինը… – Փո՛ւշ մտեր է մանուկին մատիկը, փո՛ւշ մտեր է մանուկին մատիկը… Մէկը միւսին փսփսացին, քով քովի թառած, մսուրը հսկող ճնճղուկները… Թը՜ռ թռաւ ամենէն փոքրիկ ճնճղուկը, մտաւ մսուրին մէջը, կտուցով հանեց Մանուկին […]
Մատնախաղ
Մատիկ մատիկ, բթամատիկ… Մատիկ մատիկ, ճկոյթիկ… Բթամատը ճկոյթին, ճկոյթը բթամատին… Մէկ թիզ, երկու թիզ, երեք թիզ, քանի՞ թիզ… Ինքը մէկ թիզ, լեզուն եօթը թիզ… Մատիկ մատիկ, բթամատիկ… Մատիկ մատիկ, ցուցամատիկ… Բթամատը ցուցամատին, ցուցամատը բթամատին… Մէկ քիլ, երկու քիլ, երեք քիլ, քանի՞ քիլ… Քիլ քիլ, չափէ, քիլօ քիլօ, կշռէ ու քալէ… Մէկ քայլ, երկու քայլ, երեք […]