ցո՛յց, ցո՛յց,
ժամացոյց․
երկար բարակ սլաք մը,
կլոր կլոր կը դառնայ,
վայրկեանները ցոյց կու տայ․
կարճուկ մարճուկ սլաք մը,
կամաց կամաց կը դառնայ,
ժամերը ցոյց կու տայ․
կէսօր է․
ճաշելու ժամն է․
բարի ախորժակ…
կէս գիշեր է․
երազելու ժամն է․
անո՜ւշ քուն, ոսկի՛ երազ…
ցո՛յց, ցո՛յց,
օրացոյց․
նինինուին տարեդարձը՝
ապրիլ մէկ
ցո՛յց, ցո՛յց,
կողմնացոյց․
սլաքը մի՛շտ
դէպի հիւսիս․
ցո՛յց, ցո՛յց,
խոշորացոյց․
ցո՛յց, ցո՛յց…
կո՛ւրդ, կո՛ւրդ,
արձակո՛ւրդ․
գորտիկը պիտի գայ
նինինուն գորտիկէն կը վախնա՜յ…
գլուխը հիւսիս,
պոչիկը հարաւ․
գլուխը արեւելք,
պոչիկը արեւմուտք․
ժամացոյցը չունի սլաք,
ինչպէ՞ս ընէ թի՛ք, թա՛ք…
