«Մատենագրութեան թուանշային գրադարան»-ի գրական հսկայական պաշարին մաս կը կազմեն՝ Յակոբ Օշականի ամբողջական գործերը, որոնք թուայնուացուած են եւ հանրութեան անվճար հրամցուած։
Յակոբ Օշականի հաւաքածոն կու գայ ճոխացնելու այս թուային գրադարանին արդէն իսկ հարուստ արեւմտահայ եւ Սփիւռքի գրականութեան բաժինը, որ կ՚ընդգրկէ 600-ի շուրջ վերնագիր։
Օշականի գործերուն անմիջական հասանելիութեան շնորհիւ՝ այս գործերը տրամադրելի պիտի ըլլան զանազան գրական, գեղարուեստական եւ կրթական ծրագիրներու համար։ Անոնց թարգմանութիւնները եւ զանազան ձեւաչափերով տրամադրելի դառնալն ալ այսպիսով աւելի մատչելի դարձած են։
Օշաականի ամբողջական գործերը 34 վերնագիրներու տակ հաւաքուած են եւ թուայնացուած անոնց համակարգչային գրաշարութեամբ։
