Սկսիլ

Սանդուխ՝

Տեղեկութիւններ՝

 Էջերու քանակ՝ 196
Հրատարակիչ՝ Արի գրական հիմնադրամ
Հրատարակութեան թուական` 2021

Հիմա, բուն ու բնիկ, հարազատ ու սեփական՝ նոր սկիզբի կալուածին մէջ՝ կ՚առնչուին լեզուին եւ ո՛չ երկրին։ Այս տեղափոխումը յատուկ կը թուի երկրորդ սկիզբին, որուն մեկնակէտը փաստօրէն երկիրը չէ, այլ արտերկրային, գաղութային հաստատութիւն մը։ Ուստի՝ երկրորդի մտածողութիւնը յարացոյցը կը տեղափոխէ, կը բնակեցնէ պիտի ըսէի, կը վերակառուցէ լեզուի մակարդակին, կամ լեզուն կը բարձրացնէ բնիկի ու բնակի մակարդակին. Վարուժան պիտի ըսէր՝ լեզուի միջնասիւնը կը բարձրացնէ։

Նախապէս գրուած իբրեւ զեկուցում Մովսէս Խորենացի Պատմութիւն Հայոցի ստեղծումին 1600 ամեակին, աշխատութեան հիմնական հարցադրութիւնը կը վերաբերի ծագումն ու սկիզբը գրելու ձեռնարկին։ «Երկրորդ Սկիզբը» լոյս տեսած «Կամ»ի մէջ թիւ 1/7 (2020) հարցը կը տեղափոխէ ԺԹ դարու Մխիթարեան հայրերու հիմնահարցին, դիւցազներգութեան ծիրին մէջ։ Թէ ինչո՞ւ պէտք է սկիզբը ըսել ու գրել, ահա անշրջանցելի հրամայականը։

Գրիգոր Պըլտեանի 75 ամեակին նուիրուած այս շարքը կը ներկայացնէ գրողին անտիպ թէ տպուած երկերէն հատընտիր անջատ գործեր։ Նախաձեռնութիւնն է «Գրիգոր Պըլտեանի բարեկամներու շրջանակ»ին։

Օժանդակուած է Գալուստ Կիւլպէնկեան Հիմնարկութեան կողմէ։