Ճիճոզը
Աչխփուկ, պահուըտուք, փսփսուք, փնտռտուք եւ հանելուկ… Հինգ հանելուկները գուշակելով, կամա՜ց կամաց թաքստոցէն կը յայտնուի պահուըտուք խաղացող Ճիճո՛զը։ Իսկ երբ հարցնեն, թէ ինչո՞ւ խոշոր աչքեր, ականջներ եւ ձեռքեր ունի, Ճիճոզը բոլորի՜ն՝ ամբո՛ղջ աշխարհին աղուոր պատասխան մը ունի։
Արեւ եւ անձրեւ
Թութուպան եւ Խուճկուլուլուն, այսինքն՝ թիթեռնիկը եւ խխունջիկը, վաղեմի ընկերներ են, սակայն խնդիր մը ունին․ մէկը արե՛ւ կ՚ուզէ, միւսը անձրե՛ւ։ Անձրեւին՝ մէկը տխուր, միւսը ուրախ, արեւին՝ մէկը ուրախ, միւսը տխուր… Երկու ընկեր ի՞նչ ու ինչպէ՞ս ընեն, որ միաժամանակ ուրա՛խ ըլլան…
Երանի
Թրթուրիկ Թութուպան տասնվե՛ց տոտիկ ունի, իսկ խխունջիկ Խուճկուլուլուն՝ ո՛չ մէկ տոտիկ։ Անտրամաբանական է։ Երանի չէ՞ր ըլլար, եթէ Թութուպային վեց տոտիկները Խուճկուլուլուի՛նը ըլլային։ Երանի՜… Հապա՞ եթէ ուրիշ լուծում մը գտնենք…
Տրտունջը
Խխունջիկը՝ Խուճկուլուլուն տոտիկ չունի, անձրեւին տակ տրտո՜ւմ տխուր կը թափառի… Բայց տասնվեց տոտիկներով Թութուպա թրթուրը, մի՛շտ օգնութեան կը հասնի։ Նայինք այս անգամ ի՛նչ պիտի ընէ իր վաղեմի ընկերոջ համար։
Երանի Բ
Խխունջիկ Խուճկուլուլուն, այս անգամ իր ընկերը՝ Թրթուրիկ Թութուպան կը կորսնցնէ… Տրտո՜ւմ տխուր է Խուճկուլուլուն… Կ՚անցնի ցուրտ ձմեռը, կու գայ գարունը, եւ ծի՛կ, թիթեռնիկ մը կը թառի պատեանին վրայ… Ո՞վ է արդեօք այս նոր ընկերը, որուն դէմքը շա՜տ, շա՜տ ծանօթ է…
Ժամադրութիւնը
Խուճկուլուլուն այսօր ժամադրութիւն ունէր, թէ արդեօք չունէ՞ր։ Մէկը պիտի գա՞ր ժամադրութեան։ Այս եւ նման հարցումներու մէջ կորսուած, խեղճ Խուճկուլուլուն կ՚երթայ, կու գայ։ Ի՞նչ ընէ հիմա, վաղը ե՞տ գայ ժամադրութեան…
Նինինուն, Ճիճոզը եւ ընկերները
Զարմանալի անուններով կերպարներ են, այս կարճ տեսերիզներուն հերոսները, որոնք երգով ու կատակով կը պատմեն պարզ դրուագներ առօրեայ կեանքէն, սակայն յաճախ փիլիսոփայական մօտեցումով։ Զարմանալի անուններով այս հերոսները, կը պատմեն ոչ միայն փոքրիկին, այլ մեծով, պզտիկով, ամբո՛ղջ ընտանիքին… ու ժպիտ մը գաղտուկ կը գծագրուի դիտողին դէմքին վրայ…
Փոքրիկ
«Փոքրիկ»-ը արեւմտահայերէն հէքիաթներ հրամցնող կայքէջ մըն է, որ ծնունդ առած է Պոլսոյ մէջ 2014-ին։ Հոս ներկայացուած աւելի քան 100 լսատեսողական հէքիաթները փոխ առնուած են ժողովրդական գրականութենէն, տարբեր ժողովուրդներու աւանդական ու ժողովրդական առասպելներէն, դիցաբանութիւններէն, առակներէն, ինչպէս նաեւ համաշխարհային մանկական գրականութեան դասականներէն եւ ժամանակակից աղբիւրներէ: «Փոքրիկ»-ի ծանուցումը կ՚ըսէ թէ իր նպատակն է «հաստատել աւելի ջերմ եւ մտերիմ […]
Յուշամատեան
«Յուշամատեան»-ի հիմնական նպատակն է հետազօտութիւններու ճամբով վերականգնել ու պահպանել Օսմանեան կայսրութեան հայերուն կեանքին յիշողութիւնը։ Յօդուածներու, քարտէսներու, նկարներու, ձայնային արձանագրութիւններու եւ տեսերիզներու միջոցաւ, կայքէջին այցելուները կը յայտնաբերեն օսմանեան հայերու կեանքը, արուեստները, արհեստները, ուտելիքները, կրթական եւ հոգեւոր կեանքը, ընկերային միջավայրը եւ շատ աւելին։ Յուշամատեան կայքէջին մէջ կան երեք հիմնական բաժիններ. առաջին, յօդուածներ աշխարհագրական յատուկ վայրի մը հայկական […]
Աղուոր բաներ
«Աղուոր բաներ» ծրագիրը իր կայքէջին եւ հասարակական ցանցերու էջերուն միջոցաւ օրական դրութեամբ կը տարածէ բառ մը, խօսք մը, երկտող մը, նկար մը, ձեւաւորում մը, ձայն մը կամ տեսերիզ մը։ Նպատակն է համացանցի վրայ ժամանակ անցընող հետեւողներուն ներկայացնել մատչելի եւ գեղեցիկ արեւմտահայերէնի ներկայութիւն մը։ Նիւթերը ընդհանրապէս ներշնչուած են առօրեայ խօսքերէ, քիչ գործածուող բառերէ, արեւմտահայ եւ սփիւռքահայ […]
