Մաս կը կազմէ Պատառիկներ շարքին։
Պարտէզին մէջ ծառ մը կայ,
ծառին վրայ ճիւղ մը կայ…
Ճիւղին վրայ բոյն մը կայ,
բոյնին մէջն ալ ձո՛ւկ մը կայ…
Անտրամաբանական…
Պարտէզին մէջ ծառ մը կայ,
ծառին վրայ ճիւղ մը կայ…
Ճիւղին վրայ բոյն մը կայ,
բոյնին մէջն ալ մո՛ւկ մը կայ…
Անտրամաբանական…
Ձուկը մուկը մէկ տապակ,
մուկը ձուկը մէկ պնակ…
Ձուկը ուտեմ, մուկը նետեմ,
մուկը ուտեմ, ձուկը նետեմ…
Անտրամաբանական…
Ձուկը ուտեմ, փուշը նետեմ …
Մուկը ուտեմ, պոչը նետեմ…
Անտրամաբանական…
Ձուկը մուկը,
մուկը ձուկը…
Ծովը ծակը ,
ծակը ծովը…
Ձուկը ծովը,
մուկը ծակը…
Մուկը ծակը,
ձուկը ծովը…
Ձուկը մուկը,
թակարդը, վա՛յ…
Մուկը ձուկը,
սուր կարթը, վո՛ւյ…
Թակարդը,
սուր կարթը…
Սուր կարթը,
թակարդը եւ…
Ձուկը մուկը
տապակին մէջը…
Մուկը ձուկը
պնակիդ մէջը…
Այն ո՞վ է...
Երազին մէջ
կուտ կը տեսնէ,
կո՛ւտ կ’ուտէ,
հաւկի՛թ կ’ածէ…
Կը՛տ կը՛տ կըտակ,
հաւկիթ մը տաք տաք,
երկու հաւկիթ տաք տաք,
երեք հաւկիթ տաք տաք,
չորս հաւկիթ տաք տաք,
հինգ հաւկիթ տաք տաք,
վեց հաւկիթ տաք տաք,
եօթը հաւկիթ տաք տաք,
ութ հաւկիթ տաք տաք,
ինը հաւկիթ տաք տաք,
տասը հաւկիթ տաք տաք՝
ճերմակ հաւուն տակ…
Այն ո՞վ է...
Երազին մէջ
կուտ կը տեսնէ,
կո՛ւտ կ’ուտէ,
հաւկիթ չ’ածեր…
Ծուղրուղո՜ւ… կուկուլիկո՜ւ…
Առտու է, առտո՜ւ…
Հաւ, աքլոր, հաւլիթ...
Հաւ, աքլոր, ճուտիկ...
Հաւ, աքլոր, աղուէ՜ս...
Ծուղրուղո՜ւ… կուկուլիկո՜ւ…
Աղուէսը հաւնոցէն հեռո՜ւ…
Զատիկ է, Զատիկ,
հաւիկը ածեց
կարմիր հաւկիթ։
Զատիկ է, Զատիկ,
հաւիկը ածեց
դեղին հաւկիթ։
Զատիկ է, Զատիկ,
հաւիկը ածեց
կանանչ հաւկիթ։
Զատիկ է, Զատիկ,
հաւիկը ածեց
կապոյտ հաւկիթ։
Զատիկ է, Զատիկ,
հաւիկը ածեց
գոյն գոյն հաւկիթ։
Զատիկ է, Զատիկ,
եկէք խաղանք
թաք թաք հաւկիթ։
Այն ո՞վ է...
Պոչը ծաղիկ է,
միտքը ծուռ...
Աղուէսը եկաւ մո՜ւթ անտառէն,
Օ՜, պըճինկօ...
Հաւ մը գողցաւ մեր հաւնոցէն,
Օ՜, պըճինկօ...
Աղուէսը եկաւ մո՜ւթ անտառէն,
Օ՜, պըճինկօ...
Հաւ մը գողցաւ ձե՛ր հաւնոցէն,
Օ՜, պըճինկօ...
Գո՛ղ աղուէսիկ,
պոչիկը ծաղիկ...
Պոչը ծաղիկ է,
միտքը ծուռ...
Որթատունկը, ողկոյզը…
Որթատունկը, ողկոյզը…
Աղուէսը մօտեցաւ որթատունկին,
աչքը տնկեց ողկոյզին…
Անօթի էր աղուէսը,
կ’ուզէր ուտել խաղողը…
Բարձրացուց թաթիկները,
սակայն ողկոյզը ո՜ւր,
թաթիկները ո՜ւր,
կը չարչարուէր ի զուր…
Կեցաւ ոտիկներուն ծայրը,
բարձրացուց թաթիկները,
սակայն ողկոյզը ո՜ւր,
թաթիկները ո՜ւր,
կը չարչարուէր ի զուր…
Ցատկեց աղուէսը
մէկ անգամ, երկու անգամ…
Ցատկեց աղուէսը
տասը անգամ, քսան անգամ,
սակայն ողկոյզը ո՜ւր,
թաթիկները ո՜ւր,
կը չարչարուէր ի զուր…
Աղուէսը շատ բարկացաւ,
սաստիկ զայրացաւ,
սակայն բնաւ յայտնի չըրաւ…
Ըսաւ աղուէսը,
շարժեց պոչը
ու հեռացաւ…
Սո՛ւտ աղուէսիկ,
պոչիկը ծաղիկ…
Ճկոյթը ըսաւ՝ ճի՛կ…
Մատնեմատը ըսաւ՝ ճանիկ…
Միջնեմատը ըսաւ՝ ճստիկ…
Ցուցամատը ըսաւ՝ ճուտիկ…
Բթամատը ըսաւ՝ ճի՛մ ճիկ…
Հսկայ լեռը
եւ մեծ վանքին գմբեթը…
Նոյնը նոյնը,
եռանկիւնը…
Հսկայ լեռը,
մեծ վանքին գմբեթը եւ
վարդապետին վեղարը…
Նոյնը նոյնը,
եռանկիւնը…
Հսկայ լեռը,
մեծ վանքին գմբեթը,
վարդապետին վեղարը եւ
մեծ մայրիկին պանիրով բլիթը…
Նոյնը նոյնը,
եռանկիւնը…
Հսկայ լեռը,
մեծ վանքին գմբեթը,
վարդապետին վեղարը,
մեծ մայրիկին պանիրով բլիթը,
թոռնիկին փորիկին մէջը, հա՛մ…
Հսկայ լեռը եւ թոռնիկը…
Նոյնը նոյնը,
գրեթէ նոյնը…
Նոյնը նոյնը,
միեւնոյնը…
Ցան ցան, ցիրուցան,
հաւնոցին հաւուկները ձանձրացան,
հաւկիթ ածելէն յոգնեցան,
գիշեր չեղած քնացան…
Ցան ցան, ցիրուցան,
հաւնոցին հաւուկները ձանձրացան,
հաւկիթ ածելէն յոգնեցան,
կուտ կերան, գիրուկցան,
գիշեր չեղած քնացան…
Ցան ցան, ցիրուցան,
հաւնոցին հաւուկները ձանձրացան,
հաւկիթ ածելէն յոգնեցան,
կուտ կերան, գիրուկցան,
գիշեր չեղած քնացան,
աքլորը կանչեց, արթնցան…
Օր մը ծուռ,
օր մը շիտակ,
ես կը խաղամ
շարունակ…
Այսօր ծուռ,
վաղը շիտակ,
իսկ միւս օրը
շի՛փ շիտակ…
Օր մը ծուռ,
օր մը շիտակ,
դուն կը խաղաս
շարունակ…
Այսօր ծուռ,
վաղը շիտակ,
իսկ միւս օրը
շի՛փ շիտակ…
Օր մը ծուռ,
օր մը շիտակ,
մենք կը խաղանք
շարունակ…
Այսօր ծուռ,
վաղը շիտակ,
իսկ միւս օրը
միասին կ’ուտենք պիստակ…
Կուտ կուտ,
կուտատուկի կուտ,
երէկ ցանեցի կուտատուկ,
կուտատուկը բուսաւ շատ շուտ…
Կուտ կուտ,
կուտատուկի կուտ,
այսօր եկաւ կարկուտ,
կարկուտը կերաւ կուտատուկ…
Կուտ կուտ,
կուտատուկի կուտ,
քովս մնաց
ո՛չ կուտ, ոչ ալ սուտ…
Մատիկ մատիկ,
բթամատիկ…
Մատիկ մատիկ,
ճկոյթիկ…
Բթամատը ճկոյթին,
ճկոյթը բթամատին…
Մէկ թիզ, երկու թիզ,
երեք թիզ, քանի՞ թիզ…
Ինքը մէկ թիզ,
լեզուն եօթը թիզ…
Մատիկ մատիկ,
բթամատիկ…
Մատիկ մատիկ,
ցուցամատիկ…
Բթամատը ցուցամատին,
ցուցամատը բթամատին…
Մէկ քիլ, երկու քիլ,
երեք քիլ, քանի՞ քիլ…
Քիլ քիլ, չափէ,
քիլօ քիլօ, կշռէ ու քալէ…
Մէկ քայլ, երկու քայլ,
երեք քայլ, քանի՞ քայլ…
Քայլ առ քայլ՝
տեղքայլ…