մանկավարժական աղբիւրներ արեւմտահայերէնով

Սանդուխ՝

Սանդուխ՝

Ո՞վ

Ո՞վ կը վախնայ մուս մութէն…
Ես չե՛մ վախնար մուս մութէն…

Ո՞վ կը վախնայ որոտումէն…
Ես չե՛մ  վախնար որոտումէն…

Ո՞վ կը վախնայ ուրուականէն…
Ես չե՛մ վախնար ուրուականէն…

Ո՞վ կը վախնայ կմախքէն…
Ես չե՛մ վախնար կմախքէն…

Ո՞վ կը վախնայ գանկէն…
Ես չե՛մ վախնար գանկէն…

Ո՞վ կը վախնայ ծովահէնէն…
Ես չե՛մ  վախնար ծովահէնէն…

Ո՞վ կը վախնայ հրէշէն…
Ես չե՛մ  վախնար հրէշէն…

Ո՞վ կը վախնայ վիշապէն…
Ես չե՛մ վախնար վիշապէն…

Ո՞վ կը վախնայ վհուկէն…
Ես չե՛մ  վախնար վհուկէն…

Ո՞վ կը վախնայ
մինինիկ,
մազմազիկ,
սեւուլիկ
սարդիկէն…

– Մամաաա՜…

Մէկու մը
չըսես՝
կարծեմ
մաման ալ
կը վախնայ
մինինիկ,
մազմազիկ,
սեւուլիկ
սարդիկէն…

աւելին

Սանդուխ՝

Այլ նիւթեր՝

Սփիւռք մատենաշար

Հայ աղբրտիք

Արձակ ժողովածու

Նարնիայի Քրոնիկները

Պատանեկան վիպաշարք

Ահա, այսպէ՛ս…

Մանկական պատմուածքներ

Պատկեր, պատում, պատմութիւն – 1

Փիլիսոփայական