զնտուկ

Հանելուկներուն պոչը երկար է…։
Կարելի է ստեղծել ու խաղալ
բոլոր կենդանիներուն համար…։
Կրկնել`

Գոց սնտուկ,
բաց սնտուկ,
մէջէն ելաւ հանելուկ…։

Այն ո՞վ է…։
Ամեն տեղը ծուռիկ մուռիկ,
կը քալէ կուզիկ մուզիկ…։

Ձայնողը
յաջորդաբար կու տայ
մարմնին տարբեր մասերուն անունները`

վիզը ծուռ է
ուսը, թեւը,
ոտքը, մէջքը, քիթը, պոչը…։

Իսկ խաղացողները
պէտք է շուտով ծռեն
մարմնին այն մասը`
վիզը, ուսը, թեւը,
ոտքը, մէջքը, քիթը, պոչը…։

Ծուռիկ մուռիկ կը քալէ

Երբ արդէն ծիծաղելի վիճակ մը ստացած են,
բոլորը ծուռիկ մուռիկ կը քալեն…։
Ձայնողը կը հարցնէ`

Ուղտիկ, ուղտիկ,
վիզդ ինչո՞ւ ծուռ է…։

Բոլորը խնդալով կը պատասխանեն`
Ինչու ո՞ր տեղս շիտակ է…։

Ու կը շարունակեն ծուռիկ մուռիկ քալել…։

«Ուղտը» մաս կը կազմէ Խաղ ու մաղ շարքին։