Ճաշը
Աթոռ սեղան՝ ճաշասեղան, իսկ վրա՞ն… Դգալը եւ դանակը, դանակը եւ պնակը, պնակը եւ պատառաքաղը, այսօր ի՞նչ է մեր ճաշը… Երկար է, կլոր է, խմոր է… Երկարակլորախմորածակ, երկարակլորախմորածակ… Երկարակլորախմորածափ, երկարակլորախմորածափ… Դգալը եւ դանակը, դանակը եւ պնակը, պնակը եւ պատառաքաղը, վաղը ի՞նչ է մեր ճաշը… Հելէ հելէ, հելէ հելէ, վաղը թող ըլլայ… Հելէ հելէ, հելէ հելէ, վաղը […]
Մատուռը
Քար քարի վրայ շարեցի, մատուռ մը շինեցի, վրան գմբեթ մը տեղաւորեցի, ականջս դրան մօտեցուցի, սուսիկ փուսիկ պատարագը մտիկ ըրի… Երբ պատարագը վերջացաւ, մատուռին դուռը բացուեցաւ, վարդապետը դուրս ելաւ, երկար մօրուքը շարժեց ու ըսաւ՝ – Մոմ վառեցի՞ր այս կիրակի…
Մոլորակները
Արեւ լուսին՝ աստղ… Արեւ լուսին՝ ամպ… Արեւ լուսին՝ արբանեակ… Արեւ լուսին՝ մոլորակ… Փայլածու, Արուսեակ, Երկիր, Հրատ, Լուսնթագ, Լուսնթագ եւ Երեւակ, Ուրանոս, Պոսիդոն, Պետրոսը գնաց Պոսթոն, Լեւոնը գնաց Լոնտոն, Փանոսը դարձաւ փարաւոն, Մելքոնը կերաւ մագարոն… Փայլածուն, Արուսեակը՝ շատ տաք, շատ տաք… Երկիրը՝ կապոյտ մոլորակ… Հրատը՝ կարմիր մոլորակ… Լուսնթագը՝ մեծ գնդակ… Երեւակը՝ ունի օղակ… Ուրանոս, Պոսիդոն, ութ […]
Շէնքերը
Հոս շէնք մը, հոն ալ շէնք մը… Շէնքերը բարձրացան, թռչուններն ալ զարմացան, ասոր անոր հարցուցին՝ ի՞նչ է անունը աս ծառին… Հոս շէնք մը, հոն ալ շէնք մը… Շէնքերը բարձրացան, թռչուններն ալ զարմացան, ասոր անոր հարցուցին՝ ի՞նչ է պտուղը աս ծառին…
Տանձը
Մեր տանը առջեւ պարտէզ կայ. պարտէզին ծայրը մէկ տանձի ծառ… Ինչո՞ւ մէկ… Հապա քանի՞… Թող ըլլայ տասը… Մեր տանը առջեւ պարտէզ կայ. պարտէզին ծայրը տասը տանձի ծառ… Տասը տանձի ծառին ծայրը, տասը ծանր տանձ… Մեր պարտէզին ծայրը կայ, տասը տանձի ծառ… Տասը տանձի ծառին ծայրը, տասը ծանր տանձ… Ձեր պարտէզին ծայրն ալ կա՞յ, տասը տանձի […]
կիրակի
ուրբաթ, շաբաթ, կիրակի՜․ դպրոց, տուն, եկեղեցի՜․ արամիկը շապիկ հագաւ, սարկաւագը ուրախացա՜ւ․ նունիկը պատարագը մտիկ ըրաւ, վարդապետը ուրախացա՜ւ․ պապա՜, պապա՜, տէր տէր պապա․ պապա՜, պապա՜, կաղանդ պապա․ պապա՜, պապա՜, հաճի պապա․ պապա՜, պապա՜, մե՜ծ պապա․ զանգակատունը հո՛ս է, գմբեթը ո՞ւր է․ արամիկը շապիկ կը հագնի եւ շարական կը սորվի․
գլխացաւը
օրիորդ նազիկը ըսաւ․ – ցա՛ւ, ցա՛ւ, գլխացա՛ւ․ օրիորդ նազիկը դպրոց չեկաւ, արամիկը ուրախացա՜ւ․ օրիորդ նազիկը դպրոց չեկաւ, նունիկը տխրեցա՜ւ․ օրիորդ նազիկը գնաց դեղարան․ դեղարա՜ն, դեղարա՜ն, դեղերը շարա՜ն շարան․
ճաշիկը եւ փորիկը
եկա՜ւ, եկա՜ւ, դգալը եկաւ ու ըսաւ․ «ո՞ւր է դանակը»․ եկա՜ւ, եկա՜ւ, դանակը եկաւ ու ըսաւ․ «ո՞ւր է պնակը»․ եկա՜ւ, եկա՜ւ, պնակը եկաւ ու ըսաւ․ «ո՞ւր է պատառաքաղը»․ եկա՜ւ, եկա՜ւ, պատառաքաղը եկաւ ու ըսաւ․ «ո՞ւր է ճաշիկը»․ պնա՛կ, պնա՛կ, պարա՛պ պնակ․ պնա՛կ, պնա՛կ, լեցո՛ւն պնակ․ փորի՛կ, փորի՛կ, պարա՛պ փորիկ․ փորի՛կ, փորի՛կ, լեցո՛ւն փորիկ․ ուտե՜մ, ուտե՜մ, ի՞նչ […]
ձուկը եւ մուկը
տապա՛կ, տապա՛կ, ծա՛կ տապակ․ ծա՛կ տապակ, տակը կրա՛կ․ ձո՛ւկը, մո՛ւկը, մէ՛կ տապակ․ մո՛ւկը, ձո՛ւկը, մէ՛կ տապակ․ ձո՛ւկը ուտեմ, մո՛ւկը նետեմ․ մո՛ւկը նետեմ, ձո՛ւկը ուտեմ․ մո՛ւկը ուտեմ, ձո՛ւկը նետեմ․ ձո՛ւկը նետեմ, մո՛ւկը ուտեմ․ կրա՜կ, կրա՜կ, մաղ մա՜ղ կրակ․ կրա՜կ, կրա՜կ, հար հա՜ր կրակ․ գտի՛ր տապակը, վառէ՛ կրակը, տապկէ՛ հաւկիթը․
պապուկը եւ շողգամը
օր մը պապուկը պարտէզին մէջ ցանեց շողգամ մը․ շողգամը շո՛ւտ աճեցաւ, շա՜տ աճեցաւ, շատ շուտ աճեցաւ, պապուկը տեսաւ զարմացաւ․ պապուկը բռնեց շողգամը, հա՛ քաշեց, քաշքշեց, շողգամը հողէն չհանեց․ պապուկը կանչեց մամիկը․ մամիկը պապուկէն, պապուկը շողգամէն, հա՛ քաշեցին, քաշքշեցին, շողգամը հողէն չհանեցին․ մամիկը կանչեց արամիկը․ արամիկը մամիկէն, մամիկը պապուկէն, պապուկը շողգամէն, հա՛ քաշեցին, քաշքշեցին, շողգամը հողէն […]
