«Գիւտ մը, նիւթ մը» տեսերիզներու շարքին իւրաքանչիւր տեսերիզը կը ներկայացնէ գիտական նիւթ մը՝ մանուկներուն եւ պատանիներուն ուղղուած։ Ճամբայ ելլելով հայ գիւտարարի մը հնարքէն, կ՚ընդլայնէ նիւթը եւ կը ներկայացնէ հետաքրքրական գործիք մը կամ աշխատանք մը։
Պատմուած մեծ մասամբ երեխաներուն կողմէ, տեսերիզները արեւմտահայերէն են եւ արդիական միջոցներով պատկերուած, գրաւիչ դառնալու համար ժամանակակից երեխային եւ պատանիին։ Հեղինակ եւ խմբագիրն է Նորա Սարաֆեան Թաշճեան։
