«Կամուրջներ շինենք» պատկերազարդ գրքոյկներ են, որ ընթերցողին կը ծանօթացնեն զանազան բնապահպանական նիւթերու։ Գրքոյկները նաեւ կը պարունակեն լեզուական խաղեր, բնապահպանութեան մասին սորվիլը աւելի հաճելի դարձնելու նպատակով։
Արծարծուած նիւթերն են՝ «Ի՞նչ է կլիմայի փոփոխութիւնը», «Մենք ինչպէ՞ս կ՚ազդենք անոր վրայ» եւ «Ինչպէ՞ս կրնանք դադրեցնել զայն»։ Գրքոյկին գունազարդ էջերուն վրայ ընդգրկուած են բառացանկեր եւ զանազան գիտական փաստեր։
Գրքոյկները պատրաստուած են «Հայկական ծառ» նախաձեռնութեան կողմէ։
