Բացասական թիւեր եւ ռոպոթներ
Կ’աշխատինք բացասական թիւերուն հետ: Կը բաղդատենք, կը գումարենք, կը հանենք զանոնք: Մեզի կ’օգնեն ռոպոթները:
Տասնորդական թիւերը եւ անդեզրը
Այցելեցինք անդեզրի թուաբանութեան խմբակը ուր աշխատեցանք տասնորդական թիւերուն հետ: Բաղդատեցինք, գումարեցինք եւ հանեցինք տասնորդական թիւերը: Տեսանք անդեզրի դիւրութիւններն ու վտանգները:
Համաչափութիւն
Կը ծանօթանանք համաչափութեան: Կը գծենք պատկերներու համաչափները, համաչափութեան առացնքները: Կը տեսնենք բնութեան եւ կեանքի այլ ոլորտներուն մէջ համաչափութիւնները:
Ուժանիւթ եւ կոտորակներ
Կը ծանօթնանք ուժանիւթի տարբեր տեսակներուն: Կը հասկնանք վերանորոգուող ուժանիւթի գործածութեան կարեւորութիւնը: Կ’ուսումնասիրենք կոտորակները, անոնց յատկութիւնները, գումարումը, հանումը եւ բազմապատկութիւնը:
Վիճակագրութիւն եւ տուեալներու գիտութիւն
Տուեալներու գիտութեան հանգրուաններն ու դրական եւ բացասական կողմերը ներկայացնելէ ետք, կ’աշխատինք վիճակագրական տուեալներու վերլուծութեամբ: Կը ծանօթանանք քանակական եւ որակական տուեալներու ներկայացման տարբեր ձեւերուն: Կը հաշուենք քանակական տուեալներու հեռաւորութիւնը, կրկնուողը, միջինը, միջնական:
Հապա եթէ
«Հապա եթէ»-ն ստեղծարար մտածողութեան զարգացման ձեւերը արեւմտահայերէնով շաղող առցանց ծրագիր մըն է, ուր երկրագունդին չորս ծագերէն երեխաներ կը հանդիպին, միասին հայերէնով գծելու, խաղալու, մտածելու, կատակներ ընելու, իրենց արտադրութիւնները կիսելու եւ հայերէնը իբրեւ կենդանի լեզու վայելելու։ Հանդիպումները 50 վայրկեան տեւողութեամբ կը մատուցուին։ Ներկայիս ուղղուած են 8-էն 12 տարեկան երեխաներու։ «Հապա եթէ»ի աշխատանոցները նաեւ տեղի կրնան ունենալ տեղւոյն վրայ՝ դպրոցներէ, ճամբարներէ եւ մանկական ակումբներէ ներս, երեխաներու, եւ դաստիարակներու հետ միասին։ Աշխատանոցները հիմնուած են ստեղծարար վարժութիւններու վրայ, […]
Հրաշալի մեղուները
Գիտական մեթոտը եւ անկիւն կիսողը
Այստեղ կը ներկայացուին գիտական մեթոտն ու անոր հանգրուանները: Գիտական մեթոտը կը կիրառուի մայրամուտի տարբեր գոյները վերլուծելու համար: Ուսողութեան բաժնին մէջ կը ծանօթանանք անկիւն կիսողին, կը սորվինք գծել զայն, տարբեր հաշիւներ կը կատարենք եւ խնդիրներ կը լուծենք օգտագործելով անկիւն կիսողի սահմանումը:
Փոփոխականներու պատմութիւնը եւ գործածութիւնը
Կը ծանօթանանք փոփոխականներու պատմութեան: Ուրկէ՞ կու գան: Ինչո՞ւ այս տառերն են որ ամենէն շատ կը գործածենք հանրահաշիւին մէջ: Ի՞նչ պիտի ըլլար եթէ օգտագործէինք ք-ն, փ-ը եւ անոնցմով ծանօթանայինք փոփոխականներու յատկութիւններուն:
Արհեստական բանականութիւն եւ հատուածի մը ուղղահայեաց երկհատիչ գիծը
Արհեստական բանականութեան ծանօթացում մըն է: Կը գործածենք ՉէթՃիՓիԹին: Կը հասկնանք արհեստական բանականութեան առաւելութիւններն ու վտանգները: Կը սահմանենք եւ կը գծենք հատուածի մը ուղղահայեաց երկհատիչ գիծը օգտագործելով ուղղաչափը, գծաքաշը կամ կարկինը: Կը յայտնաբերենք ուղղահայեաց երկհատիչ գիծին տարբեր յատկութիւններն ու կը կիրառենք զանոնք: